العريش ترحب بكم

هههههههههههههههههههههههههه
ازايكم..؟ عاملين إيه..؟ أوضاعكم إزاي..؟
يعني مش معقول يمر حدث تاريخي للمرة التانية زي هاد الحدث وما احط أصابعي فيه
..
صلو على النبي يا جماعة الخير

هاد بلمسة سحرية من المجاهدين الغزاويين تم اختراق سور رفح العظيم وفتحه لعامة الشعب لقضاء العيد في مدن سيناء التابعة لجمهورية مصر العربية.. للأمانة إخواننا المصريين ما قصروا يعني لدرجة انو مجاهدينا استخدموا البلدوزرات والجرافات لتحطيم الجدار.. جرافات يا جماعة.. هههههه.. وقام المجاهدون - كتر الله خيرهم وابقاهم على اعناقنا- بالتنفيس عن هالشعب المسكين واعطائهم المجال للصياعة والدشارة في رفح والعريش.. الجميل بالموضوع مش الخرفان (جمع خاروف) اللي جابوهم الغزاويين معهم لا لا

الحلو بالموضوع - غير طبعاً التجاوز السياسي والأخلاقي لحكومة فياض واستعمال نظرية الأمر الواقع على الجانبيين الفلسطينـ/ـضفاوي والمصري ، ويعني قبل ما يحلها عمو فياض ويمسك هو المعابر ويخرج الموضوع من ايدينا.. لأ احنا منفتح المعبر ومنتغدى فيه قبل ما يتعشى علينا- الحلو بالموضوع - غير طبعاً انو غزة انهبلت وانجنت وانو بطل في سيارات وانو مدينة غزة مليانة باخوتنا المصريين- الحلو بالموضوع انو واحد من اصدقائي حكالي انو الغزاويين مخلوش حدا يعتب عليهم هناك لدرجة انو القوات المصرية بعد ثلاث ايام من اختراق الحاجز لمن اجت تسكر الثغرات من باب استحوا بيكفي ماخليتولناش اشي(مبدأ فضحتونا) .. قام المجاهدون الأبطال بقتل 5 كلاب بوليسية مصرية.. هههههه.. طيب ليش يا جماعة.. هدا فوق ماهما فاتحينلكم الطريق من رفح للعريش واتفضلوا اشتروا اللي بدكم اياه... بتروحوا بتطخوا ع كلابهم.. هيك يا مجاهدين..! هههههههههه

أول خبر بيبسط انو بيحكوا انو ربع مليار دولار حجم الانفاق الفلسطيني في عملية اكتساح العريش- مش متأكد من هالمعلومة- بس حتى لو ربع مليون..من وين اجا ربهم بدي أفهم
!
الخبر التاني انو اليوم الموافق 26/1 العائلات الفلسطينية من قطاع غزة راحت على العريش بسياراتها الشخصية.. عادي يعني.. تجوال حر كأنك بتروح من اسبانيا على النرويج بالسيارة.. نظام (شنغن) يعني
!
الخبر التالت والمهم كمان ما حدا اهتم لمسيرة نشطاء السلام الاسرائيلين والأجانب على حاجز ايريز ومنع الاحتلال من ادخالهم لأي مواد غذائية تموينية.. يا عمي مش فاضيين.. بيقولك تلت سكان غزة بمصر.. هههههههههههه
!
اهم خبر واحلى شي بالموضوع انو صاحبكم وصلو كروز سجائر ومشروب

تعيش مصر
تعيش دولة غزة المستقلة وعاصمتها العريش