Sunday, January 13, 2008

موجز عناوين (أخباري) البايتة مع التعليق على المشنقة


..عالعافية يا شباب
بصراحة من فترة وأنا باطلع على هالأخبار اللي بتفتح النفس خالص لدرجة انو ما بيضل في نفس تنتفح- اصلاً هالمصطلح مش موجود بالعربي.. ابصر من اللي اخترعه، يمكن الحكومة الدايتونية أو الحكومية الطالبانية ويلعن اخت التنتين بالمناسبة-المهم اني باتفرج على هالأخبار وحابب اعمل معكم لفة على كبشة منها وهي بالمناسبة أخبار انتقيتها بعناية شديدة
ههههههههههههههههههههههههههه
طبعاً كلو من وكالة معاً المستقلة

1.
اسرائيل ستحمي ظهر بوش خلال زيارته بيت لحم ورام الله - واذا وقع اي خطر اسرائيل ستنقل قوات مجوقلة لانقاذه فورا
وعلى أيش هالغلبة.. قوات مجوقلة.. شو ما بتنفع القوات المش مجوقلة.. دخلكوا القوات اللي نازلة فينا دبح مجوقلة ولا مش مجوقلة.. لانو بصراحة بوش مش احسن منا يعني.. اشمعنى هو عنده مجوقل واحنا ما عندنا.. الله يجوقلهم جميعاً قصدي ياخدهم جميعاً عنده


2.
مسلحون يطلقون قذيفة آر بي جي داخل المدرسة الأمريكية شمال قطاع غزة و"حركة مجاهدي بيت المقدس" تعلن مسؤوليتها
.!.!.!.!.نعم نعم
شكلي رح اشخر لسماهم هدول.. مين مجاهدي بيت المقدس.. اي بيت مقدس قصدهم الشرقية ولا الغربية ولا الكاملة.. شكلهم مش عارفين انو غيرو اسمها للقدس..؟ والله بصراحة قد ما حاولت اقارب القدس للمدرسة الأمريكية ما قدرت.. يعني بعيدة.. احييييني.. بعيدة.. وحسب البيان المقدس تبع الالهة هدول انو هاد ضرب للمصالح الامريكية في المنطقة.. ياخي وليش ما يروحوا يضربوا صواريخ عالسعودية..! اي هو في بلد مسلم بالعالم فيه مصالح امريكية قد السعودية.. مال ربهم كنهم مش من هالبلد هالمجانين؟؟ ما بيعرفوش اشي.. ما يروحوا يضربوا مدارس الوكالة اذا السعودية بعيدة عليهم.. ما هي بتاخد من الـ
UN
وهدول كلهم اجانب وكفرة.. وبعدين مع دينهم..آآآآه.. رح افقع يا جماعة
لاقولي حل مع هالمشايخ
..


3. الحكومة المقالة تحذر من تقديم اي تنازلات فلسطينية خلال زيارة بوش وتناقش عددا من القضايا
(push) وهون في شقين.. الشق الأول هو تقديم اي تنازلات عشان
لا أنا حابب اطمن الاخوة الحردانين انو الاخوة التانيين مش رح يخلو بوش يضحك عليهم.. ويعني لو بدو يضحك عليهم رح يخلوه يضحك شوي بس.. اه بس لمن كل العالم العربي والمش عربي يضحك على ربنا لمن شافونا منطخطخ
بعض عشان رب كرسي رجليه مكسرة هاد مش ضحك آه
::!::
الشق التاني: عدداً من القضايا.. القضايا كالتالي حسب محضر الإجتماع اللي حصلت عليه مصادرنا الخاصة
ابو العبد صاحبنا اللي عنده بسطة بالمعسكر.. معلش طلعوله بسطته.. معلش سماح هاي المرة
دبرو بنزين شغلو هالسيارات خلي هالشباب يفعطوا.. هما تبعون الوقائي احسن منا
في واحد مسكتوه من دار (فلان) اهروه .. العنو دينه.. ليش يصلي بجامعنا.. يروح يصلي عند فياض وشلته
>> وهكذا وهكذا >>

4. حركة حماس: الاجهزة الامنية تعتقل 6 من انصار الحركة في الضفة
يخي والله بيعرفوا يحسبوا.. وبيعدوا.. وبيجهزوا ملفات عن الاعمال الغير شرعية للحكومة الغير شرعية برام الله.. بس معلش لو نسيو حالهم شوي.. مش مهم.. تلاقي اجهزة أمن عباس - تقول واحد بلعب معهم بالشارع، يخي اقل شي احترموا سنو- تلاقيهم ماسكين تنين قاعدين بلوطوا ببعض جوا جامع.. معلش تحملو لساني الزفر


5. وزارة التربية والتعليم المقالة تستنكر الاعتداء على المدرسة الأمريكية بغزة وتطالب بملاحقة المتورطين
هههههههههههههههههههههههههه
ارجعوا لرقم 2
..
غريب هالرابط العجيب يا وهيب


6. عقب انباء عن حل التشريعي - احمد بحر : من سينظرون بحل المجلس التشريعي كانوا في حالة موت سريري ويريدون ان ينتعشوا
يا عمي وانت مالك.. سيب اللي برام الله يعملوا تشريعي خاص فيهم.. ويلحقوا يركبوا بالسيارات الحديثة وينتعشوا قبل ما تحتلوا الضفة كمان.. عاااااااااادي.. وياخي كل الشعب الفلسطيني ماكل خرا وميت سريرياً.. انت شو اللي مزعلك.. قصدك انو في شعب بيفهم بيضلوا ساكت عاللي بيصير..!! قال ميت سريرياً.. قال
..


7. تراجع سعر صرف الدولار واليورو في التداول المصرفي صباح اليوم الخميس
عاااااااااادي يا شباب.. الحكومة الجديدة رح تنزلنا الدينار الحمساوي وعليه صورة ابو العبد.. ولا يهمكم عشان نخلص من التبعية لامريكا واوروبا لعنهم الله.. والحكومة الفياضية رجح تنزلنا عملة اسمها (السطل) وتحط عليها صورة عباس.. ونضل هيك طول الوقت.. وع فكرة..
السطل الفياضي يساوي واحد دينار حمساوي
يعني ما تقلقوا من هالناحية


8. وفاة السر إدموند هيلاري أول شخص تسلق قمة جبل إفيريست
الله يرحمك يا اخونا يا ادموند.. والله لو كان جبل افيريست بغزة لما قدرت تطلع عليه شبر واحد.. حتلاقي ملايين قبلك
.. ملايين من الناس اللي بدها تشم هوا فوق..
! ..

9. في اول ظهور علني له في القطاع: "جيش الأمة" يهدد بقتل بوش ومقاومة الاحتلال وينفي علاقته بالقاعدة وفتح الاسلام
لازم ننضرب بي 52 من ورا ربكم وعالفاضي. يعني عشان اكم من قطعة كلاشنكوف مبردة ومواسير من عند ابو محمد المكيانيكي.. ننضرب ب 52.. اه وماله.. حيش الامة.. وجيش الموحدين.. وقبائل المسلمين.. وجيش التوحيد وفتح الاسلام.. وشعبية المسلمين.. والحزب الشيوعي الزرقاوي الفلسطيني.. عادي.. والقاعدة وكرة السلة.. ويلعن ابو اللي جاب ابوكم يا ولاد الكلب
..

10. جمعية أفنان تحتفل بأعضائها الذين دخلوا عش الزوجية
ياخي شي بيفرح النفس.. والله مانا عارف كيف الكم نفس تحتفلوا وتدخلوا عش الزوجية وكل اعشاش الدنيا معلقة بمناخيرنا ومش قادرين نتنفس من وراها
..


كان معكم/ ضاوي جداً من بلاد العجائب

2 comments:

Gaza said...

يعني بتقدر تقول.. أنا الآن بأدخن وبأضحك في نفس الوقت.. يعني عايش بنعمتين مع بعض

بس يسلموا ايديك على هالموجز الحلو.. بس يا أخي انت ليش حارق دمك
كس اخت العيلتين على كس اخت شبابها

روق حالك وخد لك سيجارة. وشد يا ابو الزلم شد نفس

واحد فاضي said...

مرحبا

شو هالحالة الغريبة اللي انت فيها يعني لا معاهم ولاعليهم معلق بالهوا ولا فاهم انت مين وشو ما عملو مو عاجبك .

بدك تسمع مني خليك طافي زي صاحبك وبلا منه ضوك .