Friday, February 15, 2008

لماذا يتجه الشباب الغزاوي إلى الحشيش؟


مقال طبي من جريدة الأيام الجديدة جداً- لندن
عشر اسباب في لماذا يتجه الشباب الفلسـ
ـطيني إلى الحشيش؟

1.

لانو بيدخن لاكي سترايك دايماً لأنو ال(ال ام) المصري ممنوع

5.

لانو كتير مبسوط ومرتاح نفسياً ومن كتر الشغل مش ملاقي وقت يشتغل

3.

لانو ما خلاش بلد بالعالم ما راحه يعني كل سنة بيطلعله شي عشر بلدان وبيشوفها من باب السياحة يعني

4.

لانو ولد حبيب وكرمش

5.

لانو الحشيش ببلاش بيوزعوه على الكورنر وفي مخافر الشرطة وخود حبتين شيوكلاته والتانية ببلاش

3.

لانو زي ما تقولوا اهله كتير متفهمين لدرجة انو ما بيضطر يعمل سندويشة جبنة.. لحالها السندويشة بتعمل حالها لحالها وبياكلها الولد بدون ما يحس وبتشبع

.!.

4.

لانو قالو يا فرعون مين فرعنك) (قال لاني ما لقيت حدا يعطيني حنان..))

8.

لانو كتير علاقته منيحة بجنس حوّل) وولا وحدة قابلها بحياته تركته عشانه ملحد.. يعني وكلهم فري(

11.

لانو العشر أسباب هاي موجودة عنجد

فكركوا بيصير نغير السؤال

لماذا يتجه الحشيش الغزاوي إلى الشباب؟؟

5 comments:

المنفي said...

يتجه الحشيش الغزاوي الى الشباب لترسيخ جدلية المنفعة العامة والمتبادلة ولتدوير دورة الدماغ العالية

حيث يستفيد بائع الحشيش ويستثمر ماله لتحسين عجلة اقتصاد البلد
ويبدا موزعي الحشيش بالانتشار وبذلك يتم تخفيف مشكلة البطالة
ويصل الى يد الشباب ومن ثم الى دماغهم عشان ينسو
ينسو شو هما اصلا مش فاكرين
ومن ثم يصل هؤلاء الشباب بدماغاتهم العالية وحشيشهم الى التنفيذية الحماساوية حتى يستمر مبرر وجودها
الا وهو فرض الامن والامان

Cognition-sense said...

لأنو حسن أبو حشيش وكيل وزارة الإعلام لما قرر إنو يمنع نشر الجريدة لمزيد من خنق الحريات، كان بدو اسم عيلته يشتهر
فلما الشعب مابيلاقي منفس بيتجه للحشيش طبعاً

إه والله ما غلط البخاري لما رسم هيدي الرسمة

على فكرة
أول مرة بعرف إنك مابتعرف تعد
(1،2،3،4...)

تحياتي لك يا ضاوي

صوت من مصر said...

يتجه الشباب الغزاوى الى الحشيش لانه لانه جالهم هديه من بابا بوش راعى الغلابه والمساكين عجبى

فلسطين said...

في اعتقادي ان اهم سبب هو حتى ينفس يتجه الشباب الغزاوي عنه نفسه اثر الاحداث التي تجري ك يوم.......

صمود said...

عندما قرات هذا المقال
لم اعرف هل اضحك ام احزن
ولكن ذهب تفكيري بعيدا الى اغنية
يبكي ويضحك